O XUÍZO AO OLLÁPARO

En décimas

 

ACHEGÁDEVOS, AFOUTOS,

TRAEDE CON VÓS Á FAMILIA,

QUE QUEN NON VIU MARABILLAS

SERÁ SEMPRE UN PETAPOUCO.

E NA GALIZA NON HOUBO

XUIZO DE MÁIS CONMOCIÓN

NIN CASO DE MÁIS PAVOR,

QUE O DO OLLÁPARO E A SÚA PROLE,

QUE ANTES QUE MORRER DE FOME

"FIXEMOS DO ALCALDE RINCHÓNS!!!!!!"

 

DIXO O REO ANTE A XUSTIZA:

O OLLÁPARO NON É UNHA ALIMAÑA,

VEN DE ESTIRPE SOBERANA

DOS CÍCLOPES DA GALIZA,

DOS OJÁNCANOS DE ALTAMIRA.

"MAIS A XENTE TREME CON NÓS

E AÍNDA CAGHA NOS PANTALÓNS.

O NOSO OLLO DÁLLES MEDO

POIS VE O FUTURO I É FEO.

AI!, SOMOS TAN DISTINTOS DE VÓS..."

 

O OLLÁPARO NON COME PAN,

NIN LEGUMES NIN VERDURAS,

NIN PESCA DE ALTURA OU BAIXURA,

NIN CARNE QUE NON VIU CAZAR.

CASE QUE TODO FAILLE MAL

_SABEDE OS QUE AQUÍ ESCOITADES

POR SI É INOCENTE OU CULPABLE

DA SÚA PATERNAL PROTECCIÓN 

 OU DESTE INSTINTO DEPREDADOR,

CO QUE CHURRASCOU AO ALCALDE_

 

"TAN RICOS SON OS HUMANOS:

CARNOSOS, CHEOS DE PROTEÍNAS,

ULIDES A GOLOSINA,

A XAROPE DE XEADO..."

ACHEGA ALÓ OS DENTES, DIAÑO|||||

I ESCOITA QUE DICÍA O FISCAL,

QUE ESTABA A ACUSAR A TEU PAI

DE HOMICIDA TERRORISTA,

DE CANÍBAL ANARQUISTA

E DE MONSTRO CRIMINAL.

 

ISO NON É A VERDADE,

MEU PAI NON É UN ASASINO,

MAIS TEN UN FATO DE FILLOS

E MATOU POR NOS CRIARE.

I ESTABA TAN GHORDO O ALCALDE,

QUE DEU PRA MOITOS TORRESMOS

COS QUE CHUCHAMOS OS DEDOS

E AÍNDA FIXEMOS COCIDO

PARA OS DÍAS DE MÁIS FRÍO;

QUE ÉVOS MOI LONGO O INVERNO…

 

 

CALA, NON DES MÁIS DETALLES,

DA VOSA CARNICEiRÍA.

NON VES QUE A XENTE ARREPÍA

PENSANDO NESES FIAMBRES????

XA, SERÁ QUE NON PASAN FAME…

NÓS, DE TODOS OLVIDADOS,

SOMOS COMA REFUXIADOS,

INVISIBLES DE COTÍO,

DE TODIÑO PROHIBIDOS:

MENOS QUE A MERDA IMPORTAMOS.

 

PREGUNTÉMOSLLES, DAQUELA,

A ESTES OUVINTES  ATENTOS

SI O OLLÁPARO HA QUEDAR PRESO

OU XA LIBRE DESTAS REIXAS.

VÓS DICTAREDES SENTENZA.

CULPABLE POR MATAR XENTE,

POR CRIAR AOS SEUS, INOCENTE.

POLGAR ARRIBA É CEIBO,

POLGAR BAIXO, PRISIONEIRO.

VOTAI, VOTAI, PEPERETES!!!!!

 

VOTACIÓN-RESULTADO LIBRE

 

 

QUÉ LEDICIA NESTE DÍA

QUE ELEXISTES LIBERALO

DÓUVOLAS GRAZAS, HUMANOS,

DE PARTE DA BICHERÍA.

E A VIVIR EN ARMONÍA

TEÑAMOS UN OLLO OU DOUS

COMO LLES PASA AOS MINIÓNS.

POIS AÍNDA SENDO DISPARES

VENSE TODOS IMPORTANTES

E NON OS SEPARA NIN DIOS.

 

VOTACIÓN-RESULTADO PRESO

 

 

A MAIORÍA FALOU

E CASTIGA AOS DIFERENTES.

TREMEDES POLA VOSA XENTE

E NON VOS FALTA RAZÓN,

AS LEISES ESTÁN CON VÓS.

SEGUIREMOS AGOCHADOS

NO PROFUNDO DOS COVACHOS

CONDEADOS A SER LENDA,

A EXTINGUIRNOS COA TRISTEZA

DE NON VOS DAR MÁIS BOCADOS.

 

BEN, AMIGOS,

XA REMATOU ESTA LERIA.

SE VOS GUSTOU, APLAUDIDE

E SACADE UNHAS MOEDAS