Alceste Cornos de Alce
namora da Natura
como nunca antes namorara,
como a lúa branca debece
polas estrelas albas;
como a auga muda en nube
á que volve eterna
convertida en vapor;
como a retama verde
sucumbe mansa
ante os cérvidos
aos que nutre.
Alceste namorou, sí,
asumiu na súa mente
a testa de alce vermello
e morreu no seu lugar
porque a Natureza
sufre condena
baixo o maltrato
inhumano dos homes.
Mágoa que non houbera
un Hércules mítico
ou un Apolo agradecido
que devolvera a vida
aos dous namorados.
No hay comentarios:
Publicar un comentario