BABALAWA CUBANA

SANTEIRA DE CUBA

Estaba na Habana Vella

unha maxestosa santeira

fumando un habano negro,

máis negro aínda ca ela.

Entre volutas de fume

a ioruba movía as cadeiras,

levaba o ritmo co sangue,

a vida tal como latexa.

Chantado entre colares, preso,

pendurado na madreselva,

brilaba o poder do seu creto,

o seu prestixo de meiga.

Achegábanselle folgados:

"Atíname o futuro, negra".

Ela mirábaos aos ollos

e afumáballes a teima.

Ata que pasou un galego,

disque viña de Fisterra.

"Tú no llegas aquí de yuma (1),

emigrar es tu condena".

(1) turista, frecuentemente norteamericano.