Traduce al gallego o a otro idioma
viernes, 30 de diciembre de 2016
Nadal Lanuxo e Canalla
lunes, 24 de octubre de 2016
QUEIXO DE LÁ BOTANDO O ESCONXURO SEN XURO
Faltriqueiras murchas, baldeiras huchas;
vampiros bancarios e chuchacartos.
Ladróns desfiuzadores de vivendas,
de soños, de ilusións e de carteiras.
Brokers de maletín: rapiñas carroñeiras.
Políticos mercados ca nosa puta pasta,
que decretan mil e unha noxentas artimañas,
ata ter que ó Capital venderlle a ialma.
Xurro enxurrado, traballo a destallo;
pensións polas nubes, vellez ó carallo.
Activos tóxicos, opas hostís,
hipotecas vómito, rafting companies.
Pecañenta lingua de mal Parlamento
lambendo nas bragas do grande burdel,
mentres ve estoupar o orbe enteiro
e aturuxan Rajoy canda Merkel.
Tufo dos altos contratos blindados,
a xofre cheiran conselleiros, notarios,
caspa de xuíz, baba mesta de alguacil,
e tódolos presidentes do puto FMI,
tanto os xa vidos como os por vir.
Forzas do Ibex, Eurostock, barril Brent!,
fóra do meu camiño e do meu niño!
Rameiras de mercado e de parquet!,
fóra do meu porquiño no San Martiño!
Porque non quero xuros polo conxuro,
nin imposto que grave o calostro,
nin SGAE de merda que estrague as festas,
nin Gayoso que nos mexe no lombo,
nin Méndez que nos caghe na frente,
e sigamos a dicer que xa chove de vez
nesta terra mol do derradeiro solpor.
Neste ano que se cumpren corenta e catro
do primeiro conxuro de queimada pronunciado,
alá por Vigo e polo mestre Avalo,
nesta xornada de Todos os Santos
imos tentar por unha vez de renovalo
esconxurando ó novo e fedorento diaño,
que non é outro que: Don Carto.
Chámese xuro, stock opcion, interés,
só vos chero polo voso parné,
i heivos honrar así ghastés.
E cando vos chuche a médula,
heivos tronchar coma pau sec.
jueves, 20 de octubre de 2016
A MATACHINA
miércoles, 19 de octubre de 2016
FORA DE XOGO, PASPÁNS PREXUICIOSOS!!!
martes, 10 de mayo de 2016
MARIÑEIRAS SENLLEIRAS
lunes, 18 de abril de 2016
AÍ VEN A GHAITEIRA, DEIXÁDEA PASAR
El que toca la gaita; y gaiteira, la mujer del gaitero. Ús. Como adj. Para designar la persona ridículamente alegre, y se emplea de Navia al Eo, y en gall. Y port.
A muller do gaiteiro, si, porque a esas alturas do século XX a sociedade, de poucas féminas tiña admirado o seu saber facer musical. Soamente está documentada na década dos 20 Áurea Rodríguez Rodríguez como líder do grupo Os Maravillas de Cartelle, aínda que os grandes éxitos destes irmáns de Ourense os levaran a actuar ata en Madrid i Arxentina. Mais terían que pasar outros vinte anos para poder desfrutar do son da gaiteira do cuarteto Os Celtas de Maside, tamén de Ourense, e acadar nada menos que os 60 (cáseque medio século) para que froitificara en Ribadeo o primeiro e único grupo feminino de gaitas habido xamais, chamado Saudade, Gaiteiras de Saudade ou Meniñas de Saudade.
A segunda acepción como adxectivo do diccionario antes citado danos a chave para entender o menosprecio que a figura do gaiteiro chegou a sofrir co paso do tempo ate convertiuse dun profesional de corte, pazo e primeiras celebracións con salario digno e contrato de por medio, a un sinónimo de borrachín e ridículo. Co desprezo dictatorial polas linguas e culturas ibéricas diferentes do castelán remataría a autoestima galega conquerida nos setenta a través da democracia recén instaurada. A labor de centos de grupos e asociacións folclóricas que saíron moitas fins de semana a recoller bailes, cantigas e toques instrumentais polas infindas aldeas de Galicia permitiu, por unha parte, conservar o patrimonio que os avós ateusoraban nas últimas lembranzas, i especialmente, reinterpretalo e sacalo á luz da rúa e dos festivais en boca dunha xuventude de netos e netas orgullosos do seu.
Hoxe en día as mulleres que aman a gaita aprenden a tocala e a tocan, sen medo a prexuicios doutrora, pero segue a ser significativo que entre a figura da pioneira das gaiteiras, Áurea Rodríguez, e as sonadas Seivane, Pato e Peón da actualidade pasara prácticamente un século enteiro. A igualdade aínda está lonxe, e Lanuxos quere achegala un pouco prestixiando ás mulleres que pensan como di a letriña, “que tanto máis ten unha ca outra, que o importante é ter ghaita”.