O QUE CHE SAIA DA SAIA
Pitufiña artrítica,
a idade de soñar nunca pasa,
aínda que as dedas sexan tortas,
as paixóns locen frechas,
certeiras e dereitas.
Pitufiña pioneira,
soíña nun bosque de nabos,
berra alto as túas teimas,
argumenta coa lóxica ilóxica
das mentes claras
Que non hai mellor arma
que a que está no caletre,
entre a emoción e o inxenio.
Pitufiña azul zafiro,
pisa forte cos tacóns de agulla
i avellenta co teu ritmo,
o que che saia da saia.
No hay comentarios:
Publicar un comentario